Somsouq

QAANUUNKA ARRIMAHA KHAASKA AH

Qaanuunka Arrimaha Khaaska ah (Privacy Policy) wuxuu sharaxayaa xogta shakhsi ahaaneed ee la ururiyo markaad isticmaasho somsouq.com isticmaalka qaybta moobaylka oo somsouq ("somsouq") iyo adeegyada lagu bixiyo (oo ay ku jiraan " Adeegga "), sida xogta shakhsi ahaaneed loo isticmaalo, loona wadaago.

ISTICMAALKA ADEEGAN, WAXAAD NOO BALAN QAADAYSAA (I) INAAD AKHRIDAY, FAHAMTAY, OO AAD OGOLAATAY QAANUUNKA ARIMAHA KHAASKA AH, IYO (II) DA'DAADU KA WAYN TAHAY 16 SANNO (AMA WAALIDKAA AKHRIYEEN OO AY FAHMEEN QAANUUNKA ARIMAHA KHAASKA AH). Haddii aadan ogolayn, ama aadan awoodin inaad ballan qaaddo, waa inaadan isticmaalin adeegga. Xaaladdan oo kale, waa inaad la xiriirtaa qaybta macaamiisha si aad u codsato in la tirtiro akoonkaaga iyo xogtaada.

1. MAAMULAHA XOGTA SHAKHSI AHAANEED

SOM SOUQ, shirkad ka diiwaan gashan SOMALIA ayaa noqon doonta maamulaha xogtaada shakhsiyeed.

2. QAYBAHA XOGTA SHAQSI AHAANEED EE AANU URURUURINO

Waxaanu ururinaynaa xogta aad si mutadawacnimo noogu siiso (tusaale ahaan, ciwaanka iimaylka). Waxaan sidoo kale si otomaatiga ah u aruurinaa xogta (tusaale ahaan, cinwaankaaga IP).

2.1. Xogta aad na siiso

Waxaa laga yaabaa in lagu weydiiyo inaad na siiso macluumaadka adiga kugu saabsan marka aad iska diiwaan geliso iyo/ama adeegsato Adeegga. Macluumaadkan waxaa ku jira: magaca koowaad, magaca awowga, lambarka taleefanka, iimaylka, jinsiga, taariikhda dhalashada (oo ay ku jiraan "Macluumaadka Loo Baahan Yahay"), faahfaahinta ciwaanka, saacadaha shaqada iwm.

Si aad u isticmaasho adeegayaga oo aad u diiwaan geliso akoon, waxaad u baahan doontaa inaad bixiso Macluumaadka Loo Baahan Yahay. Waxaad awoodi doontaa inaad isticmaasho Adeegga xitaa haddii aadan na siin xogtan, laakiin qaybo kamid ah adeega ayaa laga yaabaa in aanay kuu shaqeyn (tusaale, haddii aadan akoon samayn, ma awoodid inaad la hadasho isticmaalayaasha kale. , soo galiso xayaysiisyada, arkida macluumaadka lagala xidhiidhi karo isticmaalayaasha kale).

Mararka qaarkood waxaa laga yaabaa inaad u baahato inaad na siiso macluumaad dheeri ah marka aad lasoo hadahso qaybta daryeelka macaamiisha si aad u fuliso codsigaaga (tusaale, haddii akoonkaaga hore loo xiray, waxaan ku weydiin karnaa inaad xaqiijiso aqoonsigaaga adigoo siinaya warqad aqoonsi).

Markaad soo galinayso ogeysiiska, waxaad go'aansan kartaa inaad nasiiso macluumaad shakhsi oo dheeraad ah oo naftaada ah. Tusaale ahaan, waxaad go'aansan kartaa inaad nasiiso CV-gaaga ama sawir adiga ah ama wax uu ku qoran yahay macluumaadkaaga shakhsiyeed. Waxaad qiraysaa in marka aad xogtaada shakhsi ahaaneed ku bixiso ogeysiis ay sidoo kalena mujtamacu heli karaan. Intaa waxaa dheer, waxaad qirsan tahay oo aad ogolaatay in qayb kamid ah xogtaada shakhsiyeed aanu kusoo bandhigno barofaylkaaga si aan u bixino adeega, - waxay noo suurtagelin doontaa inaan fududeyno isgaarsiinta iyo macaamilka ka dhexeeya isticmaalayaasha. Gaar ahaan, waxaad qiraysaa oo aad ogolaatay in iimaylkaaga lagu muujin doono qayb ka mid ah xayaysiiskaaga qaybta CV-yada Shaqo Raadinta ee isticmaalayaasha qaarkood xayeysiiska la soo galiyay ee qaybta Shaqooyinka.

Waa inaad si taxadar leh uga fiirsato khataraha la xidhiidha xaqiiqda ah inaad samayso macluumaad gaar ah - gaar ahaan, lambarka taleefankaaga, cinwaankaaga, sawirada, baasaboorka iyo faahfaahinta maaliyadeed ama goobta saxda ah - in dadweynuhu ay arki karaan.

2.2. Xogta ay na siiyeen dhinacyo saddexaad

Markaad go'aansato inaad gasho adigoo isticmaalaya Facebook, waxaan ka helnaa xogta shakhsi ahaaneed akoonkaaga Facebook. Tan waxaa ku jira sawirka barofaylkaaga, magaca, iyo aqoonsiga Facebook. Hadii aadan ka diidin shaashadda Facebook-ga, waxaanu sidoo kale ururin doonaa xog kale, sida ciwaanka iimaylka, jinsiga, taariikhda dhalashada, liiska asxaabta, iyo goobta sida ku qoran barofaylkaaga Facebook.

Wixii macluumaad dheeraad ah, fadlan tixraac Tixraaca Ogolaanshaha Facebook (wuxuu qeexayaa qaybaha macluumaadka, oo Facebook laga yaabo inay la wadaagto cid saddexaad iyo shuruudaha u degsan) iyo siyaasadda Xogta Facebook. Intaa waxaa dheer, Facebook wuxuu kuu ogolaanayaa inaad maamusho doorashooyinka aad samaysay markaad ku xirayso barofaylka Facebook barnaamijyada Apps-ka iyo boggaga internetka.

Markaad ku gasho Google-ka, waxaan helnaa magacaaga, ciwaanka iimaylkaaga, luuqada kuugu qoran barofaylkaaga, sawirka barofaylka, jinsiga, iyo taariikhda dhalashada. Si aad wax badan uga ogaato sida Google u habeeyo xogtaada, booqo Siyaasada Ilaalinta Xogta. Si aad meesha uga saarto oggolaansho aad na siisay, booqo Ogolaanshaha Google.

Markaad go'aansato inaad ku gasho adigoo isticmaalaya Apple, waxaan ka helnaa aqoonsiga Apple, magaca iyo iimaylka akoonkaaga. Waxaad isticmaali kartaa qaybta Qari Iimaylkayga markaad ku galayso Apple-ka, waxayna abuuri doontaa oo la wadaagi doonta ciwaan iimayl gaar ah, kaas oo u gudbin doona fariimahayaga iimaylkaga gaarka ah.

Apple waxay kuu ogolaanaysaa inaad la laabato oggolaanshaha aad siisay app-ka ee ku yaal bogga Maamulida Aqoonsiga Apple adiga oo raacaya tillaabooyinka xiga.

2.3. Xogta aan sida tooska ah u aruurino:

2.3.1. Xog ku saabsan sida aad nagu soo ogaatay

Waxaan aruurineynaa xogta ku saabsan URL-ka aad tixraaceyso (taasi waa, goobta Shabakadda ee aad joogtay markii aad taabatay xayeysiiskeena).

2.3.2. Aaladda iyo Goobta xogta

Waxaan ka uruurinaa xogta aaladaada. Tusaalooyinka xogtan waxaa ka mid ah: nooca luqadda, ciwaanka IP-ga, waqtig goobta, nooca iyo qaabka aaladda, nidaamka hawlgalka, bixiyaha adeegga internetka, side data-da taleefanka, aqoonsiga qalabka, iyo aqoonsiga Facebuuga.

2.3.3. Xogta isticmaalka

Waxaan kaydinaa sida aad ula falgasho adeeggayaga. Tusaale ahaan, waxaanu qornaa meelaha iyo xogta aad daalacato, inta jeer ee aad isticmaasho Adeegga, muddada aad ku jirto adeegga, qaybaha aad isticmaasho, inta xayeysiis ee aad daawato.

2.3.6. Kuukiyada

Kuukigu waa fayl yar oo qoraal ah kaas oo lagu kaydiyo kombayutarka isticmaalaha ujeedooyin diwaangalineed awgeed. Kukiyadu waxa ay noqon kartaa kuki xilliyeed ama kuuki joogto ah. Kukiga xilliga ah waxa uu dhacaa marka aad xidho biraawsarkaaga waxaana loo istcmaalaa in laguugu fududeeyo inaad dhex gasho adeegayaga. Kukiga joogtada ahi waxa uu ku sii jiraa aaladaada ilaa wakhti dheer. Waxaan sidoo kale isticmaalnaa pixels kuwaas oo ka dhiga kuukiyiska inay gacan ka geystaan gudbinta xayaysiinta onlaynka ah.

Kukiyada ayaa loo isticmaalaa, gaar ahaan, si ay si toos ah kuu aqoonsadaan marka xigta ee aad booqato Websaydkayaga. Natiijo ahaan, macluumaadka, ee aad hore u galisay meelo gaar ah oo ku yaal Websaydhka ayaa si toos ah u muuqan kara marka xigta markaad isticmaasho Adeeggayaga. Xogta kukiyada waxa lagu kaydin doonaa qalabkaaga muddo yar oo kooban.

3. UJEEDO NOOCEE AH AYAAN U FARSAMAYNAA XOGTAADA SHAKHSIYEED

Waxaan farsameyneynaa xogtaada shaqsiyeed:

3.1. Si aan u bixino Adeegeena

Tan waxa ku jira awood kuu siinaysa inaad u isticmaasho adeega si aan kala go 'lahayn iyo ka hortagga ama wax ka qabashada khaladaadka Adeegga ama arrimaha farsamada.

3.2. Si aad u habayso khibradaada

Waxaanu u habaynaynaa xogtaada khaaska ah si aanu u hagaajino waxa ku jira Adeegga oo aanu u samayno soo jeedin ku haboon dookhyadaada iyo danahaaga gaarka ah.

3.3. Si aad u maamusho akoonkaaga oo aad u hesho taageerada macmiilka

Waxaanu u farsamaynaa xogtaada khaaska ah si aanu uga jawaabno codsiyadaada ciladaha farsamo, macluumaadka adeega ama xidhiidh kasta oo kale oo aad bilowdo. Tan waxaa ku jira gelitaanka akoonkaaga si wax looga qabto codsiyada ciladaha farsamada. Ujeedadan awgeed, waxaa laga yaabaa inaan kuu soo dirno, tusaale ahaan, ogeysiisyo ama iimayl ku saabsan waxqabadka Adeegga, amniga, lacagta bixinta wax kala iibsiga, ogeysiisyada ku saabsan Shuruudaha Isticmaalka ama Siyaasaddan Gaarka ah.

3.4. Si aanu wax kaaga waydiino wax ku saabsan isticmaalkaaga adeeggayaga

waxaanu kugula soo xidhiidhi doonaa, tusaale ahaan, ogeysiisyada riixitaanka ama wada sheekaysiga. Natiijo ahaan, waxaa laga yaabaa, tusaale ahaan, inaad hesho ogeysiis haddii aad ku jirto Wabsaydka ama email ahaan inaad fariin cusub ka heshay SOM SOUQ. Si aad u joojiso helida ogeysiisyada, waxaad u baahan tahay inaad ka bedesho qaybta settings-ka ee biraawsarkaaga ama aaladdaada moobilka. Si aad isaga joojiso nooc ka mid ah iimaylada, waxaad u baahan tahay inaad raacdo linkiga ka bixida ee ku yaal cirifka iimaylka adiga oo la xidhiidhaya kooxdayada taageerada [email protected]

Adeegyada aan u isticmaalno ujeeddooyinkan waxaa laga yaabaa inay ururiyaan xogta ku saabsan taariikhda iyo wakhtiga ay fariinta eegeen isticmaalayaashayada, iyo sidoo kale marka ay la falgalaan, sida adigoo gujinaya linkiyada ku jira fariinta.

3.6. Si aan kuugu soo dirto fariimaha suuqgaynta

Waxaanu u adeegsanaa xogtaada shakhsi ahaaneed ololayaashayada suuqgeyneed. Waxa laga yaabaa in aan ku darno ciwaanka iimaylkaaga ama xogta xiriirkaaga liiska suuqgeynta. Natiijo ahaan, waxaad heli doontaa macluumaadka ku saabsan alaabtayada, sida tusaale ahaan, dalabyada gaarka ah, iyo alaabta shirkadaha aanu shuraakada nahay. Haddii aadan rabin inaad hesho iimaylada suuq gaynta ah, waxaad ka bixin kartaa qaybta hoose ee iimaylka suuq gaynta, adigoo kala xiriiraya tiimka taageerada [email protected] ama settinka barofaylkaaga.

Waxa kale oo laga yaabaa inaan ku tusino xayeysiisyada wabsaydka, oo aan kuuso dirno ogeysiisyo. Si aad isaga joojiso ogeysiisyada, waxaad u bahaan tahay in aad ka badasho setting-ka birawsarkaaga ama moobilka.

3.7. Shakhsi ku gaar yeelida xayeysiiskayaga

Anaga iyo shuraakadayadu waxaan u isticmaalnaa xogtaada shaqsi si aan kuu hor keeno xayeysiisyada oo ay suurtagal tahay xitaa in aan ku tusinno waqtiga ku habboon. Tusaale ahaan, haddii aad booqatay Wabsaydkayaga, waxa laga yaabaa inaad ku aragto xayaysiisyada alaabtayada, tusaale ahaan, Faysbuugaaga.

Waxa laga yaabaa in aanu kugu soo hagaajino xayeysiiska anagoo dhex marayna shabakado kala duwan, adeegsanayna xogta tignoolajiyada xayaysiisyada ee ku yaala iyo kuwa ka baxsan adeegyadayada sida, kukiyiska gaarka ah, ama tignoolajiyada raadraaca ee la midka ah, pixel, aqoonsiga aaladaha, goobta aad ku sugan tahay, macluumaadka nidaamka hawlgalka, iimaylka.

Sida looga baxo ama loo saameeyo xayaysiimaha gaarka ah

iOS: IPhone-kaaga ama iPad-kaaga, aad "Settings," kadibna "Privacy" oo taabo "Advertising" si aad u dooratid "Limit Ad Track". Intaa waxaa dheer, waxaad tirtiri kartaa aqoonsigaaga xayaysiisyada (tani waxay sidoo kale kaa caawin kartaa inaad aragto xayeysiisyo gaar ah oo yar) isla qaybta.

Android: Si aad uga baxdo xayaysiisyada aaladaha Android, si fudud u fur Google Settings abka talefankaaga gacanta, taabo “Ads” oo ka aktif garee “Opt out of interest-based ads”. Intaa waxaa dheer, waxaad tirtiri kartaa aqoonsigaaga xayaysiis isla qaybtan (tani waxay sidoo kale kaa caawin kartaa inaad aragto wax yar oo xayeysiisyada shaqsiyeed ah).

3.8. Si loo dhaqan geliyo Shuruudahayada iyo Sharciyada Isticmaalka iyo ka hortagga iyo la dagaallanka khiyaanada

Waxaan u isticmaalnaa xogta shakhsiyeed si aan u meel marinno heshiisyadayada iyo ballan qaadyadayada, si aan u ogaanno, uga hortagno, uguna dagaalanno khiyaanada. Natiijada adeegsan awgeed ah, waxa laga yaabaa inaa macluumaadkaaga la wadaagno kuwa kale, oo ay ku jiraan hay'adaha fulinta sharciga (gaar ahaan, haddii uu yimaado khilaaf la xidhiidha Shuruudaha Isticmaalkayaga).

3.9. In loo hoggaansamo waajibaadka sharciga ah

Waxaa laga yaabaa in aan isticmaalno, ama aan la wadaagno xogtaada marka sharcigu u baahan yahay, gaar ahaan, haddii wakaalada fulinta sharciga ay u codsato xogtaada sifo sharci ah.

4. HABABKA SHARCIGA EE AAN U FARSAMAYNO XOGTAADA SHAKHSI AHAANEED

Waxaan u farsamaynaa xogtaada khaaska ah, gaar ahaan, iyada oo la raacayo hababkan sharci ee soo socda:

4.1. oggolaanshahaaga;

4.2. si aan u fulino heshiiska aanu kugula jirno adiga;

4.3. danaheena (ama kuwa kale) ee sharciga ah; Sida ku cad habkan sharciga ah, gaar ahaan:

inaanu kaala hadalno wax ku saabsan isticmaalkaaga adeegayaga

Tan waxaa ku jira, tusaale ahaan, in aan kuuso dirno ogeysiis kuu sheegaya in ay kuu taalo fariimo aanad akhrin. Danta sharciga ah ee aan ugu tiirsanahay ujeedadan ayaa ah dantayada ah inaan kugu dhiirigelino inaad isticmaasho adeegayaga marar badan. Waxaan sidoo kale tixgelineynaa faa'iidooyinka suurtagalka ah ee aad ka heli karto.

baadh oo taxliili isticmaalkaaga Adeegga

Dantayada sharciga ah ayaa in aan aanu wanaajino adeeggayaga si aan u fahamo waxyaabaha ay xiiseeyaan isticmaalayaashu oo aanu kuu siino khibrad kasii wanaagsan tii hore (tusaale, si aanu uga dhigno isticmaalka app-ka talefanka mid fudud oo lagu raaxaysto, ama in aanu kusoo darno waxyaabo cusub).

soo dirida fariimaha suuqgeyneed

Danta sharciga ah ee aan ugu tiirsannahay habayntan ayaa ah dantayada si aan u horumarino Adeegayaga si la qiyaaso oo habboon.

shakhsi ku gaar yeelida xayeysiisyadayada

Danta sharciga ah ee aan ku tiirsannahay habayntan ayaa ah dantayada si aan u horumarino Adeegayaga si macquul ah oo bar-tilmaameedsan.

in aan dhaqan galino Shuruudaha Adeegsiga iyo in aan ka hortagno oo aan la dagaalanno khiyaanada

Danahayada sharciga ah ee ujeedadan ayaa ah fulinta xuquuqdayada sharciga ah, ka hortagga iyo wax ka qabashada khayaanada iyo isticmaalka aan la ogolayn ee Adeegga, u hogaansanaan la'aanta Shuruudaha Isticmaalka.

4.4. in loo hoggaansamo waajibaadka sharciga ah.

5. SIDA AAD U ADEEGSAN KARTO XUQUUQDAADA

Si aad u maamusho xogtaada khaaska ah, waxaad leedahay xuquuqaha soo socda:

Galitaanka / dib u eegista / cusboonaysiinta / sixitaanka xogtaada shakhsi ahaaneed. Waxaad dib u eegi kartaa, wax ka beddeli kartaa xogta shakhsiyeed ee aad hore ugu siisay somsouq qaybta setting-ka ee Waybsaydka.

Waxa kale oo aad ka codsan kartaa koobiga xogtaada shakhsiyeed ee la ururiyey intii aad isticmaalaysay Adeegga [email protected]

Masixida xogtaada khaaska ah Waxaad codsan kartaa in la tirtiro xogtaada adiga oo fariin noogu soo diraya iimaylka [email protected]

Markaad codsato tirtirka xogtaada khaaska ah, waxaanu isticmaali doonaa dadaal kasta oo aanu ku fulino codsigaaga. Xaaladaha qaarkood, waxa laga yaabaa in si sharci ah nalooga baahdo in aanu hayno xogta qayb ka mid ah wakhti cayiman; haddii ay dhacdo noocaan oo kale ah, waanu fulin doonaa codsigaaga ka dib markii aanu kasoo baxno waajibaadkayaga.

Diidmada ama xaddidida isticmaalka xogtaada khaaska ah (oo ay ku jirto ujeedooyin suuqgeynta tooska ah). Waxaad naga codsan kartaa inaan joojino isticmaalka dhammaan ama qayb ka mid ah xogtaada gaarka ah ama xaddid isticmaalkooda adigoo codsi noogu soo diraya [email protected].

6. XADKA DA'DA

Ma adeegsan doono xogta shakhsi ahaaneed ee dadka ka yar 16 sano jir. Haddii aad ogaato in qof kasta oo ka yar 16 uu na siiyay xogta shakhsi ahaaneed, fadlan nagala soo xiriir [email protected].

7. WAX KA BADELKA SHARCIGA ARRIMAHA KHAASKA AH

Waxaa laga yaabaa inaan wax ka beddelno Sharcigan Arrimaha Khaaska ah waqti ka waqti. Haddii aan go'aansanno inaan wax ka beddelno qaanuunkan arrimahan khaaska ah, waxaa lagugu ogeysiin doonaa Adeeggayada ama sida kale suurtagalka ah oo waxaad heli doontaa fursad aad dib ugu eegto Sharciga Arrimaha Khaaska ee dib loo eegay. Markaad sii wadato gelitaanka ama isticmaalka Adeegga ka dib markii isbeddeladaas ay noqdaan kuwo dhaqangal ah, waxaad ogolaatay in aad u hogaansanto Sharcigan Khaaska ah ee dib loo eegay.

8. HAYNTA XOGTA

Waxaanu kaydin doonaa xogtaada khaaska ah ilaa iyo inta ay lagama maarmaan u tahay gaaritaanka ujeedooyinka lagu sheegay Sharcigan khaaska ah (oo ay ku jirto siinta adeega), taas oo ay ku jirto (laakiin aan ku xaddidnayn) mudada aad haysato akoon somsouq. Waxaan sidoo kale haysan doonaa oo aan u isticmaali doonaa xogtaada shakhsi ahaaneed sida lagama maarmaanka ah si aan ugu hoggaansanno waajibaadkayaga sharciga ah, xallinta khilaafaadka, iyo dhaqan-gelinta heshiisyadayada. Waxaanu kaydin doonaa iimaylkaaga, taleefankaaga, aqoonsigaaga iyo macluumaadkaaga marka akoonkaaga la xanibo kadib markaad fuliso codsigaaga tirtirista xogtaada khaaska ah.

9. NAGALA SOO XIRIIR

Waxaad nagala soo xidhiidhi kartaa wakhti kasta wixii tafaasiil ah ee ku saabsan sharcigan arrimaha khaaska ah iyo noocyadiisii hore. Wixii su'aal ah ee ku saabsan akoonkaaga ama xogtaada shaqsiyeed fadlan nagala soo xiriir [email protected].

1. OGOLAANSHAHA SHURUUDAHA

Shuruudaha Isticmaalka ("Shuruudaha") waxay ka kooban yihiin heshiis sharci ah oo la fulin karo oo u dhexeeya SOM SOUQ, shirkadaheeda xiriirka la leh (oo ay ku jiraan "Maamulaha", "annaga", "annaga") iyo adiga. Fadlan si taxadar leh u akhri Shuruudahan.

Gelitaankaaga iyo isticmaalkaaga mareegta SOM SOUQ iyo barnaamijyada moobilka, iyo sidoo kale adeeg kasta, macluumaad kasta, iyo xog kasta oo laga heli karo iyaga (oo ay ku jiraan, “Adeegga” ama “Barnaamijka”) waxa lagu maamulaa Shuruudahan.
Haddii aadan ku raacsanayn qayb ka mid ah Shuruudahan, ama haddii aanad u qalmin ama aanay ku qabanayn Shuruudaha, markaa ha galin ama ha isticmaalin Adeegga.
Fadlan sidoo kale dib u eeg Qaanuunka Arrimaha Khaaska ah. Shuruudaha Arrimaha Khaaska ah iyo shuruudaha kale ee dheeriga ah, xeerarka, siyaasadaha, ama dukumeentiyada lasoo gelin doono barnaamijka waqti ka waqti ayaa halkan si cad loogu daray tixraac ahaan. Waxaan xaq u leenahay, go'aankayaga kaliya, inaan ku samayno wax ka bedel Shuruudahan wakhti kasta iyo sabab kasta iyadoo lagu soo ogeysiinayo ama lagu aan lagu soo ogeysiin.

2. AFEFOOYIN MUHIIM AH

DHAMMAAN ADEEGYADA UU BIXIYO MAAREEYUHU WAXA LOO BIXIYAA "SIDAAS AY YIHIIN", "SIDAA LOO HELI KARO" IYO "XAALADAA AY YIHIIN IYADOON LA HAGAAJIN AMA LA BADALI DOONIN", IYO MAAMULUHUNA WAXA UU MEESHA KA SAARAYAA DHAMMAAN DAMMAANADAHA, LA MUUJIYAY AMA LA SHEEGAY, OO AY KU JIRAAN IYADA OO AAN KU XADDIDNAYN WAX DAMMAANAD QAAD AH OO KU SAABSAN XAALADDA, TAYADA, MUDDADA JIRITAANKA, WAXQABADKA, SAXNAANTA, ISKU HALAYNTA, QIIMAHA IYO KU HABBOONAANTA UJEEDOOYIN GAAR AH. DHAMMAAN DAMMAANADAHA IYO DEYMAHA WAA LAGA SAARAY.
MAAMULUHU UMA LAHA WAX AWOOD AH MANA DAMMAANAD QAADO JIRITAANKA, TAYADA, BADBAADADA AMA SHARCINIMADA ALAABADA IYO ADEEGYADA AY DAABACAAN ISTICMAALAYAASHA BARNAAMIJKU; AAMINNIMADA AMA SAXNAANTA MACLUUMAADKA MACLUUMAADKA AY SOO GUDBIYAAN; AWOODDA IIBIYEYAASHA AY KU GADI KARAAN ALAAB AMA AY KU BIXIN KARAAN ADEEGYADA; AWOODDA IIBSADAHA SI AY U GADATAAN ALAABTA AMA ADEEGYADA; AMA IN ISTICMAALUHU UU DHAB AHAANTII DHAMAYSTIRI DOONO DALAB. MAAMULUHU MA BIXIYO WAX DAMMAANAD AH OO KU SAABSAN SOO SAARISTA, SOO DEJINTA, DHOOFINTA, BIXINTA, SOO BANDHIGIDA, GADASHADA, IIBINTA, XAYAYSIINTA IYO/AMA ISTICMAALKA BADEECADAHA AMA ADEEGYADA, KUWAAS OO LA BIXIYO AMA LAGU SOO BANDHIGO BARNAAMIJKA AANAY KU XAD-GUDBIN XUQUUQDA DHINAC SADDEXAAD. SIDAA DARTEED, MAAMULAHA AYAA SI CAD U DIIDAYA MASUULIYAD KASTA OO LA XIRIIRTA AGABKA IYO MACLUUMAADKA AY ISTICMAALAYAASHU KUSOO GUDBIYAAN BARNAMIJKA.
WAXAA LAGUGU DHIIRIGELINAYAA INAAD HUBISO ALAABTA KA HOR LACAG BIXINTA IYO INAAD KA CODSATO IIBIYAHA INUU KEENO DUKUMEENTI XAQIIJINAYA U HOGGAANSANAANTA ALAABTA SHURUUDAHA KHUSEEYA SHARCIYADA, XEERARKA, QAWAANIINTA, HABRAACA, HEERARKA.
WAXA AAD QIRTAY INAAD ADIGU MASUUL KA TAHAY OO KALIYA AMAANKAAGA OO AAD FAHANTAY INAAD LA KULANTO SHAQSIYAAD KALE SI AAD U DHAMAYSTIRTO WAX KALA IIBSIGA MEELAHA CAAMKA AH EE NABDOON SAACADAHA MAALINTII OO KALIYA. ADIGA AYAA MAS'UUL KA AH OO KALIYA INAAD ISKA HUBISO SHAKHSI KASTTA AMA URUR KASTA OO CODSANAYA KULAN SI LOO FULIYO WAREYSI SHAQO AMA SI LOO DHAMAYSITRO WAX KALA IIBSI. MAAMULUHU WAXA UU ISKA FOGEYNAYAA MASUULIYADA IS DHEX GALKA DHEX MARA SHAKHSI KASTA AMA URUR.

3. DIIWAANGELINTA AKOONKA

Si aad u isticmaasho qaybaha qaarkood ee adeega waxa laga yaabaa inaad u baahato inaad iska diiwaan geliso barnaamijka ("Akoonka") oo aad bixiso macluumaad gaar ah oo adiga kugu saabsan sida uu muujinayo foomka diiwaangelinta.
Waxaad samayn kartaa akoon shakhsi ahaaneed ama akoon aad wakiil kaga tahay shirkad.
Waxaad iska diiwaan gelin kartaa hal Akoon oo kaliya. Hadii aad alaadaada ka gasho wax ka badan hal akoon, waxa laga yaabaa in aanu kaa codsano in aad soo galiso aqoonsigaaga si looga baaqdo inaad yeelato akoono dhawr ah.
Waxaad qiratay in aad keligaa masuul ka tahay ilaalinta iyo xifdinta sirta macluumaadka gelitaanka Akoonkaaga iyo in aad si buuxda masuul uga tahay hawl kasta oo la sameeyo iyada oo la isticmaalayo xogta gelitaanka akoonkaaga.
Waxaad halkan ku matalaysaa oo aad noo dammaanad qaadaysaa inaad gaadhay da'da qaan-gaarka ama aad ku helayso Adeegga iyadoo ay kormeerayaan waalidkaa ama masuulka sharciga ah. Dhammaan isticmaalayaasha aan qaan-gaarin marka loo eegayo meesha ay degan yihiin (guud ahaan ka yar da'da 18) waa inay haystaan ogolaanshaha, oo ay si toos ah u kormeeraan, waalidkood ama masuulka sharciga ah si ay u isticmaalaan Adeegga. Haddii aad tahay qof aan qaan-gaarin, waa in waalidkaa ama mas'uulkaagu akhriyaan oo aad ogolaato Shuruudahan ka hor intaadan isticmaalin Adeegga.
Waxaan xaq u leenahay inaan si ku meel gaar ah u hakino ama joojino Akoonkaaga, ama gelitaankaaga Adeegga, ogeysiis ama ogeysiis la'aan, haddii ay dhacdo inaad jebiso Shuruudahan.
Waxaad ogolaatay inaad isla markiiba nagu soo wargeliso isticmaal kasta oo aan la ogalayn, ama aad uga shakisan tahay in la isticmaalayo akoonkaaga ama wax kasta oo kale oo amniga jebiyey. Ma qaadi karno mas'uulna kama noqon doono wixii khasaare ama dhaawac ah ee ka dhasha inaad u hogaansami waydo shuruudaha kore.

4. ADEEGGA

Barnaamijku waa adeeg online ah oo u oggolaanaya isticmaaleyaasha inay abuuraan oo ay daabacaan ogeysiisyo, si ay u arkaan ogeysiisyada ay daabaceen isticmaaleyaasha kale, si ay ula xiriiraan isticmaaleyaasha kale iyagoo isticmaalaya faahfaahinta xiriirka ee lagu bixiyo ogeysiisyada.
Maamulaha laftiisu maaha soo dejiye, soo saare, qaybiyaha ama iibiyaha shay kasta, sidoo kale maaha bixiye adeeg kasta oo ay soo galiyaan isticmaalayaashu Platform-ka. Intaa waxaa dheer, maamuluhu maaha suuqgeeye ama qof matala isticmaalaha marka loo eego suuqgeynta alaabada ama adeegyada lasoo galiyo Barnaamijka. Heshiisyada iibka iyo gadashada dhabta ah ama heshiisyada adeegyada waxaa si toos ah u dhexmarta isticmaaleyaasha, maamulaha laftiisana kama mid aha wax kala iibsiga. Maamuluhu wuxuu siinayaa isticmaalayaasha fursad ay ku wada xiriiraan.
Isticmaalayaasha ayaa kaliya mas'uul ka ah inay ururiyaan oo ay gudbiyaan wixii canshuur ah ee ka dhalanaysa iibinta alaabadooda ama adeegyadooda lasoo dhigay Barnaamijka.
Maamuluhu waxa uu xaq u leeyahay in uu tirtiro ama joojiyo usoo bandhigida ogaysiisyada isticmaalayaasha iyadoon lagu soo ogeysiin haddii ay dhacdo:
- helitaanka xukunnada waajibka ee masuuliyiinta dawladda ee awoodda u leh;
- sheegashada qofka haysta xuquuqda hantida si loo tirtiro ku xad-gudubka xuquuqdiisa ee isticmaalaha barnaamijka;
- Ku xad-gudubka xuquuqda ama danaha sharciga ah ee isticmaalayaasha kale, shirkadaha sharciga ah, ama shakhsiyaadka codsigoodu macquulka yahay;
- ogaanshaha ogeysiiska uu soo galiyay isticmaaluhu Barnaamijka waxa uu jebiyaa Shuruudahan ama sharci kasta, qaanuun ama halbeeg kasta.
Maamulaha waxa loo fasaxay inuu tirtiro ama xannibo ogaysiisyada isticmaalayaasha iyada oo aan loo eegin siinta isticmaalaha caddaynta la xidhiidha.
Maamuluhu waxa uu xaq u leeyahay in uu fuliyo wixii isbeddel ah ee Adeegga (haddii ay tahay bilaashka ah ama kuwa lacagta ah) wakhti kasta, ogeysiis ama ogeysiis la'aanba. Waxaad qirtay in talaabooyinka kala duwan ee maamuluhu ay wax u dhimi karaan ama kaa horjoogsan karaan inaad hesho adeega waqtiyo gaar ah iyo/ama si la mid ah, muddo xadidan ama si joogto ah, waxaadna ogolaatay in maamuluhu aanu lahayn mas'uuliyad ama aan loo qabsan karin mid kamid ah ficiladaas ama natiijooyinka, oo ay ku jiraan, iyadoon ku xaddidnayn, tirtiridda, ama ku guuldareysiga inaad hesho, wax adeegyo ah.
Isticmaale kasta oo Adeegga ayaa kaligiis masuul ka ah wax kasta iyo dhammaan waxaa ku jira akoonkiisa (sida hoos lagu qeexay). Sababtoo ah ma maamulno xogta ku kaydsan isticmaalaha, waxaad qirtay oo aad ogolaatay in aanaan masuul ka ahayn waxkasta oo isticmaaluhu sheegto mana samaynayno dammaanad qaadyo laxidhiidha saxnaanta, lacagta, ku haboonaanta, ama tayada waxa ku jira isticmaalahaas, mana qaadanayno masuuliyada xogta ku jirta akoonka isticmaalahaas. La macaamilka adeeg bixiyayaasha kaliya waxay ku kooban tahay adiga iyo isticmaalahaas oo keliya. Waxaad ogolaatay in maamuluhu aanu mas'uul ka noqon doonin wixii khasaare ama dhaawac ah ee ka dhasha wada macaamilkaas. Haddii uu jiro khilaaf u dhexeeya adiga iyo adeege kasta, waajib nagama saarna in aan idin soo dhexgalno.
Adeeggu waxa uu ka koobnaan karaa linkiyo mareego dhinac saddexaad ah ama agab iyo xayaysiisyada dhinac saddexaad (guud ahaan, "Xayeysiisyada dhinac saddexaad"). Xayeysiisyada Dhinaca Saddexaad ma hoos yimaadaan maamulka kamana aha maamulku masuul xayaysiisyada dhinac saddexaad. Maamuluhu waxa uu u bixiyaa Xayeysiisyada Dhinaca Saddexaad ay wax u sahlaan, ma sameeyo dib u eegis, ansixin, kormeer, taageero, dammaanad, ama ma matalo Xayeysiiska Dhinac Saddexaad. Xayeysiisyada iyo macluumaadka kale ee lagu bixiyo mareegaha kale ee onlaynka ee ay horkacaan Xayeysiisyada Dhinaca Saddexaad, waxa laga yaabaa inaanay gebi ahaanba sax ahayn. Waxaad tuurta ku qaadanaysaa wixii masu'uuliyadda ee ka yimaada isticmaalkaaga mareegahaas kale. Marka aad ku xidho wabsayd online ah oo dhinac saddexaad ah, shuruudaha iyo qawaaniinta adeeg bixiyaha, oo ay ku jiraan sirta iyo habdhaqanka xog ururinta, ayaa wali sii shaqeeya. Waa inaad samaysaa baadhitaan kasta oo aad dareento inay lagama maarmaan tahay ama ku habboon tahay ka hor intaadan sii wadin la macaamilka dhinac saddexaad. Wax kala iibsigaaga iyo la macaamilka kale ee xayaysiisyada dhinac saddexaad ee laga helo Adeega, oo ay ku jiraan lacag bixinta iyo keenista alaabta ama adeegyada la xidhiidha, waxa ay u dhexeeyaan adiga iyo dhinaca saddexaad oo kaliya.
Waxaad ku xusaysaa inay ka madax banaan yihiin saraakiishayada, shaqaalahayaga, wakiilladayada, iyo ku-xigeennadayada sheegashooyinka, magdhawga, dhaawaca, xuquuqaha, sheegashooyinka, iyo falalka nooc kasta oo ay ku jiraan dhaawac shakhsi ah, dhimasho, iyo burbur hantiyeed, taas oo ah mid toos ah ama si dadban ula xiriirta ama ka timaada wada macaamilka isticmaalayaasha ama Xayeysiisyada Dhinac Saddexaad.

5. SOO DHIGIDA OGAYSIISYADA ISTICMAALAYAASHA

Isticmaaluhu waa inuu u dhiibaa maamulaha dukumeenti kasta oo xaqiijinaya sharcinimada soo galinta ogeysiisyada iyo dukumentiyada aqoonsiga marka uu codsado maamuluhu.
Isticmaale kaas oo soo dhiga ogeysiisyada la xiriira iibinta alaabooyinka ama adeegyada Barnaamijka, waa inuu bixiyaa macluumaad sax ah oo dhamaystiran oo ku saabsan alaabta iyo adeegyada, iyo sidoo kale shuruudaha iyo sharciyada iibka iyo bixinta adeegyada. Gaar ahaan, laakiin aan ku xaddidnayn, lambarka taleefanka ee la socda ogeysiis kasta waa in laga jawaabo, kaliya maaha in fariimaha lagu helo laakiin waa in sidoo kale wicitaannada degdeg looga jawaabo. Hadii lambarkaagu uu shaqeyn waayo waxaa ka dhalan karta in si ku meel gaar ah loo hakiyo xayeysiisyada isticmaalaha.
Shuruudaha iyo sharciyada iibka iyo bixinta adeegyada ee uu sameeyay isticmaaluhu waa in aanay is diidin Shuruudahan sharciyadan.
Qiimaha badeecadaha ama adeegyadu waa inay noqdaan kuwo sax ah. Hadii aad u aragto inuu isbedelo qiimuhu xaalado gaar ah oo jira awgeed, tan waa in lagu sheegaa ogeysiiska.
Markaad fiidyow YouTube ah gelinayso ogaysiiskaaga iyada oo loo marayo nidaamka Adeegyada API YouTube ee uu bixiyo maamuluhu, waxaad ogolaatay in aad u hogaansanto Shuruudaha Adeegga YouTube ee laga heli karo: https://www.youtube.com/t/terms.
Markaad soo galinayso muuqaal Faysbuuga ah ogeysiiskaaga adigoo adeegsanaya farsamada Facebook Embedded ee uu bixiyo maamuluhu, waxaad ogolaatay in aad u hogaansato Shuruudaha Barnaamijka Meta ee laga heli karo: https://developers.facebook.com/terms/ iyo Shuruucda Facebook ee Adeegga waxaa laga heli karaa: [https://www.facebook.com

6. KHARASHKA

Barnaamijku guud ahaan waa bilaash.
Waxaad xaq u leedahay in aad diiwaangeliso wax ka badan hal Akoon haddii aad adeegsato mid kamid ah adeegyada lacag bixinta ah.

7. MATALAADA ISTICMAALAHA IYO DAMAANADAHA

Markaad isticmaalayso Adeegga, waxaad matalaysaa oo dammaanad qaadaysaa:

Inaad leedahay awood sharci oo aad ogolaatay inaad u hoggaansanto Shuruudaha;
Haddii aad isu diiwaan geliso sidii wakiil ka socda shirkad sharci ah, waxay kuu ogashahay shirkadu inaad gasho hesiishka isticmaalayaasha iyo anaga ee Barnaamijka.
Waxaad ka weyn tahay 18 sano;
Waxaad soo gudbisay ama gudbin doontaa macluumaad run, sax ah, oo dhammaystiran oo ku jira akoonkaaga;
Waxaad cusbooneysiin doontaa macluumaadkaaga Akoonkaaga si aad u ilaaliso runnimadeeda, saxnimadeeda, iyo dhammaystirkeeda;
Isla markiiba waxaad bedeli doontaa xogta gelitaanka Barnaamijka haddii aad ka shakisan tahay in xogta galitaanka akoonkaaga la ogaaday ama laga yaabo inay isticmaaleen dhinacyo saddexaad;
Waxaad ogaysiin doontaa maamulaha gelitaanka aanad ogolayn ee akoonkaaga;
Ma bixin doontid wax macluumaad ah oo been abuur ah ama marin-habaabin ah oo ku saabsan aqoonsigaaga ama goobtaada Akoonkaaga;
Waxaad u isticmaali doontaa Adeegga adigoo si adag ugu hogaansamaya sharciyada, qawaaniinta, xeerarka, habraaca;
Uma isticmaali doontid Adeegga ujeedo kasta oo sharci darro ah ama aan la ogalayn;
Ma soo galin doontid ogeysiisyada Barnaamijka-ka ee bixiya iibka ama beddelka shay kasta oo la mamnuucay;
Ma soo galin doontid ogaysiisyada Barnaamijka-ka ee ku xad-gudbaya xuquuqaha ama danaha qof kale, oo ay ku jiraan xuquuqaha lahaanshaha ikhtiraaq shay ama xuquuq kasta oo shakhsi ama lahaanshaha ee cid saddexaad;
Ma soo galin doontid ogeysiisyada Barnaamijka ee ay ku jiraan:
1. hadal been ah, marin habaabin ah ama khiyaano ah;
2. macluumaadka gaarka ah ama aqoonsiga ee la xiriira qof aan qaan-gaarin ama dadka kale iyadoon oggolaansho laga helin;
3. sawiro/muuqaalo galmo ah ama qaawani ah, agab galmo;
4. sawiro dhiirigeliya isticmaalka sharci darrada ah ama si taxadar la'aan ah loo adeegsado hubka iyo walxaha khatarta ah, ama fududeeya iibsashada hubka ama rasaasta;
5. lama ogola sumcad-dilid, takoorid, niyad-xumo, hanjabaad ama dhibaatayn ah, agab aan la aqbali karin, af-xumo ama af-lagaado;
6. u doodista nacaybka, rabshadaha, takoorka, cunsuriyadda, nacaybka, colaadaha qowmiyadeed;
7. rabshado iyo falalka sharci darrada ah;
8. bixinta dhilleysiga ama adeegyada kale ee ka soo horjeeda xeerarka anshaxa ama sharciga;
9. adeegyada, kuwaas oo bixintooda uu mamnuucayo sharciga khuseeya;
10. macluumaadka xayaysiinta ah ee aanu la socon wax adeeg ama alaab ahi;
11. alaabta been abuurka ah iyo kuwa isku mid ah ama koobiyada aan la ogolayn. Koobiyada aan la oggolayn waxaa ka mid ah sidoo kale badeecooyin lagu helay sifo sharci darro ah, koobiyo laga sameeyay ama la xaday;
12. tixraacyo toos ah ama aan toos ahayn leh websadyo kale, tixraacyada ama macluumaadka ku saabsan websaydyada ku tartamaya Barnaamijka;
Ma isticmaali doontid softiweer iyo talaabooyin kale oo aad ku faragalinayso hawlgalka caadiga ee barnaamijka;
Ma iibin doontid ama ma qaybin doontid iimaylada ganacsi ee aan lagaa codsan, faafinta waraaqaha, hababka lacagaha lagaga dhex aruursado barnaamijka ama si kasta oo kale oo ka dhan ah isticmaalayaasha Barnaamijka;
Ma koobiyayn doontid, waxba kama badali doontid, ama ma qaybin doontid xogta isticmaalaha kale adigon ka helin wax oggolaansho ah;
Ma uruursan doontid macluumaadka ku saabsan isticmaaleyaasha, oo ay ku jiraan cinwaannada iimaylka, lambarrada taleefanka, adigoon ka helin oggolaansho ama haddii kale waxaad ku xad-gudubtay sirta dadka kale;
Ma soo dejisan doontid, kaydin doontid, galin doontid, qaybin doontid, mana gali doontid, ama si kaleba uma isticmaali doontid fayrasyada kala duwan ee laysku diro;
Waxaad xaq u leedahay alaabta aad kusoo bandhigtay xayaysiiska; iyo
Waxaad haysataa shatiga lagama maarmaanka ah ama haddii kale oggolaansho, sida uu dhigayo sharciga khuseeya, si aad iib ugu bandhigto, u xayaysiiso oo aad u qaybiso alaabta ku xusan xayeysiinta.

8. MAGDHAW

Waxaad ogolaatay in aad magdhaw siiso Maamulaha, ku-xigeenadiisii, kaabayaashiisa, shirkadaha shaqo-wadaaga, shirkadaha la xidhiidha, alaab-qeybiyeyaasha, shati bixiyaasha iyo la-hawlgalayaasha, iyo saraakiisha, agaasimayaasha, shaqaalaha, iyo wakiillada mid kasta oo iyaga ka mid ah iyada oo aan waxyeello ka soo gaarin wax dalab ah ama sheegasho, oo ay ku jiraan kharashyada iyo khidmadaha qareennada, oo ay sameeyeen dhinac kasta oo saddexaad sababtuna tahay ama ay ka dhalatay:

(i) Isticmaalkaaga Barnaamijka; (ii) Xogta aad soo gudbisay ka isticmaale ahaan; (iii) Ku xad gudubkaaga wakiilashada, dammaanad, axdi, ama waajibaad kasta oo lagu qeexay Shuruudahan; (iv) Jebinta sharci kasta oo khuseeya, heerka warshadaha, sharciyada, habraaca, qaanuunka; (v) Wax kala iibsi kasta oo ka dhaca Barnaamijka ama ku xad gudubka shuruudaha wax kala iibsiga.

Maamuluhu waxa uu xaq u leeyahay, iyadoo kharashkaaga la bixinayo, inuu qaato difaaca gaarka ah iyo xakamaynta arrin kasta oo lagaaga baahan yahay inaad magdhow naga siiso oo aad ogolaato inaad kala shaqeyso difaacayada sheegashooyinkan.

9. XADAYNTA MAS'UULIYADDA

MARNABA ANNAGU (IYO SHURAAKADAYADU) KAMA MAS'UUL NOQON KARNO ADIGA AMA DHINAC KASTA OO SADDEXAAD FAA'IIDO KASTA OO LUNTAY AMA MID KASTA OO AAN TOOS AHAYN, CAWAAQIB XUMO, DHAAWAC GAAR AH AMA CIQAAB AH OO KA DHASHA SHURUUDAHAN AMA ISTICMAALKAAGA, AMA AWOOD LA'AANTA ISTICMAALKA, ADEEGGA, AMA XAYAYSIISYADA DHINAC SADDEXAAD, XITAA HADDII NALAGULA TALIYAY SUURTAGALNIMADA WAXYEELADA NOOCAAS AH. GELITAANKA, IYO ISTICMAALKA, ADEEGGA, IYO XAYAYSIISYADA DHINAC SADDEXAAD WAXAY KU XIRAN YIHIIN GO'AANKAAGA IYO KHATARTAADA, WAXAADNA KALIGAA MAS'UUL KA NOQON DOONTAA WAXYEELLO KASTA OO SOO GAADHA NIDAAMKA XISAABINTAADA AMA LUMINTA XOGTA KA DHALATA.
IN KASTA OO AY JIRAAN WAX LIDDI KU AH OO HALKAN KU JIRA, WAXAAD OGOLAATAY IN MASUULIYADDA GUUD EE MAAMULUHU KUGU LEEYAHAY MID KASTA IYO DHAMMAAN SHEEGASHOOYINKA KA DHASHA ISTICMAALKA ADEEGGA, XOGTA KU JIRTA OGEYSIISYADA, AY KU XADDIDAN TAHAY INTA KA YAR QADDARKA AAD BIXISAY, HADDII AY JIRTO, ANAGA MUDDADA LIXDA (6) BILOOD AH KA HOR SABAB KASTA OO FICIL AH AMA KSH10,500.

10. XUQUUQDA ILAALINTA SHATIGA

Macluumaadka aad noo soo gudbiso ee qaybta ka ah diwaangelintaada iyo xog kasta, qoraal, sawiro iyo agabka kale ee aad soo gudbin doonto ama soo dhigto Barnaamijka ("Macluumaadka ku Jira Akoonka Isticmaalaha") waxay ahaanayaan hanti aad leedahay, maamuluhuna ma sheegan doono xuquuqda lahaanshaha ama xuquuqaha kale ee lahaanshaha hal-abuurka ee macluumaadka diiwaan gelinta iyo Xogta ku Jirta Akoonka. Iyadoo ay taasi jirto, waxaad ogolaatay in maamuluhu uu hayn karo koobiyada dhammaan macluumaadka diiwaan gelinta iyo macluumaadka isticmaalaha oo uu isticmaalo macluumaadkaas iyo macluumaadka isticmaalaha sida macquulka ah ee lagama maarmaanka u ah iyo sida lagu qeexay Shuruudahan iyo Qawaaniintan Khaaska ah.
Waxaad siisay maamulaha xuquuq aan xadidnayn, caalamka oo dhan, la wareejin karo, joogto ah, aan laga noqon karin koobigeeda, wax ka baddelo, u kaydiyo, u faafiyo, u qaybiyo, si guud u soo bandhigo oo u qabto, una soo bandhigo dadweynaha macluumaadka uu soo gudbiyo isticmaaluhu, oo ay ku jirta in la isticmaalo oo laga dhigo macluumaadka Isticmaalaha si guud wabsaydka xiriirka la leh, iyo sidoo kale suuq-geynta maamulka, xayaysiinta, iyo ujeedooyinka kale.
Waxaad ogolaatay, oo aad matashay oo aad dammaanad qaaday, in isticmaalkaaga Adeegga, ama qayb ka mid ah, aanay ku xad-gudbin xuquuqda dhinac kale ama jabin doonin heshiis kasta ama waajibaad sharciyeed kasta oo dhinacyada kale ah.
Shayada ku jira Barnaamijka, marka laga reebo kuwa uu soo dhigay isticmaaluhu, oo ay ku jiraan laakiin aan ku xaddidnayn qoraallada, software, sawirada, codadka, muusiga, fiidyaha, hawlaha isdhexgalka, iwm. lagu daray ("Calamadaha") waxaa iska leh ama shati siiyay Maamulaha oo matalaya walxaha xuquuqda lahaanshaha iyo xuquuqaha kale ee hal-abuurka. Isticmaal kasta oo agabka iyo calamadaha ah iyadoon ogaysiis hore laga helin maamulaha lama ogola.
Haddii aad tahay qof haysta xuquuqda lahaanshaha hal-abuurka ama qof loo idmaday xuquuqdaas oo aad si macquul ah u aamminsan tahay in macluumaadka lasoo dhigay Barnaamijka ay si uun meel ugu xadgudbayso xuquuqahaaga hal-abuurka ama xuquuqda hal-abuurka ee qofka, waxaad u diri kartaa ogeysiis maamulaha si uu uga saaro waxyaabahaas. Arintaan, waa in aad dammaanad qaadata in racfaankaagu uu leeyahay sal sharci, oo aad si daacad ah ugu dhaqanto sida sharcigu uu qabo.
Markaad bixinayso ogaysiis khuseeya ku xadgudubka xuquuqda waa inaad hubisaa in codsigaagu waafaqsan yahay foomka hoose oo ay ku jiraan kuwan soo socda:
1. Rafcaanka waa inuu ku jiraa saxeex qoran ama elektarooniga ah ee qofka loo igmaday inuu matalo qofka xuquuqda leh, kaas oo la rumaysan yahay in lagu xad-gudbay;
2. Shayada hal abuurka ah ee lagu xadgudbay, waa in la qeexaa. Haddii dhowr shay ay jiraan, dhammaan liiska walxahaas waa in la bixiyaa;
3. Waa inaad qeexdaa agab (oo ay la socdaan boggaga URL-koodii), kuwaas oo la sheegay in lagu xad-gudbay;
4. Waa inaad bixisaa macluumaadka xiriirka si uu maamuluhu awood ugu yeesho inuu kula soo xiriiro, tusaale ahaan, ciwaanka, lambarka taleefanka, iyo ciwaanka iimaylka;
5. Codsiga saxeexan ee la xidhiidha in aad run ka sheegayso oo aad aaminsan tahay in lagu xad-gudbay xuquuqda hal-abuurka alaabahaas ama aan idam la qaadan, sidoo kalena aanu ogolayn sharcigu;
6. Arjiga saxeexan ee la xidhiidha in qofka haysta xuquuqda hal-abuurka uu siiyo Maamulaha sheegashooyinka dhinacyada saddexaad ee la xidhiidha tirtirida agabka khuseeya;
7. Codsiga saxeexan ee la xidhiidha in macluumaadka ku jira ogaysiisku uu yahay mid sax ah marka loo eego ciqaabta been-abuurka, waxa aad oggolaansho u haystaa inaad matasho qof leh xuquuqda lagu xad-gudbay;
8. Xeerarka sharciga ah ee aad aamminsan tahay in lagu xad-gudbay isticmaalka waxyaabaha la isku khilaafi karo;
9. Dalka, aad isleedahay waa lagu xad-gudbay xuquuqdiisa;
10. Koobiyada dukumeentiyada aasaaska u ah xuquuqda hal-abuurka lahaanshaha, taas oo ku xidhan amniga, iyo sidoo kale dukumeenti xaqiijinaya mataalada qofka iska leh xuquuqda, ee ku lifaaqan racfaankaaga.
Ogeysiinta khuseeya waa in lagu soo diraa emaylka [email protected]

11. XEERKA MAAMULKA IYO GARSOORKA

Shuruucdan waa in lagu maamulaa si waafaqsan shuruucda Soomaaliya.
Muran kasta, khilaaf ama sheegasho kasta oo ka dhalata ama la xidhiidha heshiiskan, ama jebinta, joojinta ama ansaxnimada ka mid ah waxaa lagu xallin doonaa gar qaadis si waafaqsan Xeerarka Dhexdhexaadinta NCIA. Luuqadda loo adeegsanayo garnaqa waa in ay noqotaa af-Soomaali.

12. QODOBO KALA DUWAN

Marka laga reebo sida kale ee lagu sheegay, haddii qodobbada Shuruudahan loo haysto inay yihiin kuwo aan sax ahayn, madhan, ama sabab kasta oo aan la dhaqangelin karin, qodobkan waa la hakin doonaa mana saamayn doono ansaxnimada iyo dhaqangelinta qodobbada hadhay.
Waxa laga yaabaa inaan ku wareejino oo aan u qoondayno mid kasta iyo dhammaan xuquuqahayaga iyo waajibaadkayaga hoos yimaada Shuruudahan qof kasta oo kale, sinaba, oo ay ku jirto heshiis cusboonaysiin, iyo marka aad aqbasho Shuruudahan waxaad nasiisay ogolaanshaha wareejin kasta ama hawlo noocaas ah.
Haddii aan ku guuldareysano tallabo ka qaadista jebinta Shuruudahan, waxaan wali xaq u yeelan doonnaa in aan isticmaalno xuquuqdayada iyo sharciyada kale markaad aad jebiso shuruudahan.
Marnaba maamuluhu mas'uul kama noqon doono hadii aad ku guuldareysato in aad u hogaansanto shuruudahan ilaa xad in guuldaradaasi ay ka timaado arimo ka baxsan xakamaynta macquulka ah ee Maamulaha.

13. LA XIRIIRHaddii aad rabto inaad soo dirto ogeysiis kasta oo hoos yimaada Shuruudahan ama aad qabto wax su'aalo ah oo ku saabsan Adeegga, waxaad nagala soo xidhiidhi kartaa:

Emayl: [email protected]
WhatsApp: +252 63 833385

QAANUUNKA ARRIMAHA KHAASKA AH

Maxaad raadinaysaa?